Бескідник #47 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

В найблизшым одтинку «Бескідника» в пятницю, 15. марця 2019 р., підеме на екскурсию в недалекы страны, там, де вапняны скалы, красны річны переломы ци малы села вкрыты в тіни гір. Поіхаме на польску част Спиша – до реґіону, котрый іщы парудесят років тому был в цілости на териториі Чехословациі, а тепер єст поділеный медже дві державы. Окрем природничых атракции, познаме тіж інтересуючы факты, примірно тото, в якых селах вартат остати ся на долше і што в них пообзерати. Будте готовы на вельо гірскых вандрівок!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.