Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 13.00 до 14.00 год.
Просиме слухати найблизшый одтинок «Бескідника» в пятницю, 14. серпня/авґуста 2020 р. Буде то уж передостатній одтинок сериі, а ім ближе кінця, тым більше несподіванок на антені. Про што буде бесіда тым разом?
Припомниме собі початкы авдициі. Вернеме до першых заповіди проґраму, жебы ся дознати, де сме вандрували, якы закутины світа експлорували, яка была структура авдициі, бо і тота ся часом зміняла. Дознаме ся тіж, коли докладні явил ся першый одтинок «Бескідника». Буде сентиментальні, але з позитивным акцентом, бо традицийно буде музика зо світа.
Будте з нами в «Бескіднику»! Чуєме ся, як все, о тринадцетій!
Коментарі