Бібліотека Руской Бурсы дякує за дарункы

Бібліотека Стоваришыня Руска Бурса дякує за остані дарункы, якы засилят колекцию книжок бурсяной бібліотекы.

Євген Місило – украіньскій історик, архівіста, писменник, автор вельох робіт про Акцию Вісла, м.ін. книжкы під назвом Акция Вісла, котра чыслит більше як 1200 сторін, з чого близко 1000 то архівальны документы, подарувал бурсі 3 новы книжкы: двотомову книжку Репатрияция ци депортация. Переселіня Укарінців з Польщы до УСРР 1944-46, його авторства, а третій пишеме гев.

Репатрияция ци депортация… то публикация, в котрій авотр помістил в сумі парусот документів описуючых запис выселінь жытелів польской державы до радяньской Украіны, з котрых подля слів автора во вступі выникат, же не была то репатрияция, евакуация, ци доборвільне переселіня, як называла акцию комуністычна порпаґанда, a брутальна депортация Украінців. Подля авторa вшыткы выселены люде были Украінцями, а згідні з дефініцийом слова депортация – то выселяня з даной державы чуземців, што не мат покрытя в примірі Лемків, о котрых Е. Місило не пише нияк, роблячы неправильну ґенералізацию до Украінців з Лемковины.

За дарункы дякуєме, а вшыткых вас, чытачы порталю, горячо просиме до бурсяной бібліотекы в каждий понедільок в год. 14.00-18.00, або в свобідным для вас терміні по скоршым умовліню ся – natalia@lem.fm.