Правдивый жолнір, правдивый офіцер, дбаючый про своіх жолнірів. Ґенерал Фіодор Келлер, якій завідувал 10. дивізийом росийской кавалериі, был типом войскового, котрый діял в поли. Гордил штабовыма офіцерами. Діял в Бєщадах, на сандецкій земли, пак во Східніх Карпатах.
Подля Келлера офіцер винен быти з войском, на леніі фронту, видіти терен, де ведено діяня, де были його одділіня. Офіцер винен знати своіх жолнірів. Так направду было. Келлер был барз ретельный, докладный. До той ступени, же перед каждым выданьом обіду сам провірювал його якіст – смак, консистенцию, вартіст. Не любил в жолнірів гры в кары, особливі на грошы, бо то причыняло конфліктів. Келлер был острым офіцером, заборонял рабувати, ґвалтувати, але знал зъєднувати сой вояків. Был вымагаючый, але розуміл жолнірів.
Просиме выслухати дальшу з прелекций выголошеных вчас Медженародной Конференциі «Зимова война в Бєщадах 1914-1915. Слідами Бєщадскых Левів», котра прошла в днях 25.-26. марця 2019 р. в Tисній. Боґуслав Ґлуд зрыхтувал доповід про ґенерала Фіодора Келлера.
Початок прелекциі 20.00 год.
Коментарі