Голосник

Чешскы композиторы. «З повагом» – просит Павел Малецкій – неділя, 20.00 год.

В днешнім выданю проґраму «З повагом» просиме слухати творы чешскых композиторів. Почуєте музику XVIII i XIX столітя творців: Йозефа Барты, Вілема Блодка, Генріха Бібера, Душка Ладіслава і Франтішка Тумы.

Йозеф Барта (1744–1787) был священником і орґаністом в костелі св. Сальватора в Празі. Пак перенюс ся до Відня. Окрем скомпонуваня трьох опер і 13 симфоній, компонувал фортепіановы сонаты, смыковы квартеты. Вельо його творів пропало.

Вілем Блодек (1846–1852) был композитором і флетистом. Деякій час прожывал в Ґалициі в Любычы Королівскій. Коли вернул до Прагы, уж лем компонувал, дириґувал, вюл педаґоґічну діяльніст, был хормайстром.

Генріх Бібер (1644–1804) был австрийскым композитором і бароковым гушлярьом-віртуозом чешского походжыня. Бібер жыл на стыку культур і традиций пілнічной і полудньовой Европы. В музиці луыл пілнічный конструктивізм зо смысельністю полудня.

Франтішек Бріксі (1732–1771) был орґаністом і композитором. Постерігат ся го за єдного з найважнійшых композиторів XVIII-вічных Чех, ціле жытя звязаный был з Прагом.

Ян Дюссек (1760–1812) был композитором і піаністом перехідного окресу медже клясицизмом а романтизмом. Был важным предтечом романтичных композиторів творів на фортепіан, особливі Шопена, Шумана ци Мендельсона.

Франтішек Тума (1804–1774) был важным чешскым композитором епохы бароку. Компонувал головні для костела: 65 месс, 29 псальмів і 5 Стабат Матер. Окрем того компонувал сонаты, симфоніі і партиты.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі