Чытайте «Бесіду» на май – червец

Уж мож купити найновше чысло двомісячника Стоваришыня Лемків «Бесіда» (но. 3 (156), май-червец 2017), a в ним до прочытаня м.ін.:

• Миколай Коневал, Обычаї великодніх свят по камюньскы;
• Демко Трохановскій, В Ґорлицях одбыло ся зобраня Руской Бурсы;
• Петро Трохановскій, Промоция книгы Cerkwie i ikony Łemkowszczyzny;
• Aндрий Копча, Зобраня Головного Заряду Стоваришыня Лемків;
• Севериян Косовскый, В Ліґници проходил ІІІ Надзвычайний Конґрес Стоваришыня Лемків;
• Богдан Ґамбаль, Спільнота памяти – Чертіжне; Спільнота памяти – Ґорлиці, Руска Бурса;
• Демко Трохановскій, Спільнота памяти – Краків; Спільнота памяти – Явожно;
• Петро Трохановскій, 4000 кільометрів в 7 дни (4);
• Севериян Косовскый, Спільнота памяти – чужына;
• Петро Трохановскій, Одышли од нас – Архієпископ Єремія; Barbara Magierowa;
• Ваньо Дзядик, Одышли од нас – Анна Поручник;
• Севериян Косовскый, Щавне; «Молит Тя Боже русиньскій рід…» – ждыньскій крест повалений. 

Попри реченым статям познати мож скорочыня найважнійшых подій – новин, якы проходили на Лемковині і не лем за марец-квітен/апріль т.р. «З доступной пресы» приносит нам цитуваня статі, якы шырше, або узше односят ся до лемківскых справ. Наконец кус Русенковой поезиі (Люде ріжной масти (выімок) та верш Володислава Грабана по польскы і лемківскы – Міста – близниці / Miasta bliźniacze. Не заведе Вас сам Амроз, котрий як все дашто мудре і честне переповіст.

Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформує про жытя нашой і братніх соспільности, плекаючий вірні традицию і надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в годинах 08.00-16.00, або по індивідуальным догваріню в інчым часі. Ґазета є тіж доступна в локальных Кружках Стоваришыня Лемків в Польщы.