Далшый Вечур русиньскых голосів

Орґанізація молоды.Русины приготовила далшу із серії подій під назвов „Вечур русиньскых голосів“.

Далша єдіція проґраму, в рамках котрого выступають русиньскы ґрупы і соловы інтерпреты, одбуде ся дня 7-го децембра 2015 р. о 20.00 год. в просторах высокошкольскых інтернатів на Єдліковій уліці ч. 7 в Кошыцях.

В рамках проґраму будуть выступати ґрупа Rolland із Чірча, співацьке дуо манжелів Карашовых і Слаковый квартет. Цілов подійов вас модераторскым словом буде проводити актор Театру Александра Духновіча в Пряшові Володимір Чема.

Вступне на подію є добровольне. Подія є реалізована з підпоров Уряду влады Словацькой републікы в рамках проґраму Култура народностных меншын 2015. Сердечно запрошаме.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА