Даниіла Кунка о ансамблю “Відгомін Бескидів”, о музыці, о жытю і о якутскых зарібках – проґрам «70 процент» – субота, 20.00 год.

Дана Кунка (по мужу Гаврилишын), лемкыня з Ванівкы, прожыла непросте, але цікаве жытя. Таке цікаве, же стало ся темом цілой нашой бесіды. Радиме о тім, як робила електрыком і захотіла ся вчыти музыкы, як потрафила пережыти з ньом велику траґедию свого жытя, як вчыла діти з ріжных народів, як садила бандуркы в Якутиі, но і вкінце як рядила лемківскым ансамбльом в бойківскім місті Долина. І, вера, рядила добрі!