Докаль чужу ниву на Одрі полоти… – «Говорить Пряшів» – пятниця, 20.00 год.

Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм радит бібліотекар Ігор Латта. Днеска буде чытал вершы лемківского поеты Нестора Жылича: Докаль?, Моя люба…, Лемковина. Роздумы Теодозиі Латтовой в Припоминці будут тыкати ся традициі хоснуваня юлияньского календаря серед Русинів. Петро Медвід в Перличках прочытат пару статий з квітня/апріля 1941 р., якы надрукуваны были в підкарпатскій ґазеті «Карпатска неділя». Буде про тройнята, якы повила жена фабричного робітника Легинця, дале про крадежы дров на стациі в Сваляві, осуджыня за нелеґальный перехід границі, але головне, што Підкарпатскє Товариство Наук має на днях достати новы поміщыня!

Целебритом того тыжня буде русиньскій священник, громадскій діяч, публициста – Іреней Леґеза. Найбільше нам любит ся тото, што своі тексты писал в народным русиньскым языку.

фото – сідлиско Секчов в Пряшові, wikipedia