Дружство Руснак в президента Хорвациі - «был, єсм і буду» - lem.fm

Предсідатель Світового Конґресу Русинів – Штефан Лявинец і делеґация Дружства Руснак были 23 лютого/фебруара 2019 р. запрошены до Загребя до Уряду Президента Хорвациі – Колінды Ґрабар-Кітарович.

Понеже ХІV Світовый Конґрес Русинів і VІІІ Форум Русиньской Молодежы проходил в 2017 в Осієку під высокым патронатом президента Хровациі, предсідателі Світовой Рады Штефан Лявинец і ведучый Дружства Руснак Мійомир Шайтош вручыли подякуваня, русиньскы выдавництва і ляльку Колінда в нацийональным русиньскым крою. З того дарунку найвеце урадувала ся пані президент. З такой причыны, што конґрес з Осієку был першым з підпором президента державы, в якій жыют Русины, цилю продолжати тоту традицию предсідател СРР Штефан Лявинец доручыл запрошыня до участи в слідуючым, ХV Світовым Конґресі Русинів, якій буде проходил того рока в Старій Любовни, і передала патронат над конґресом президентови Словацкой Республикы. «Буде мі мило приняти запрошыня», така была одповід пані президент.

Окрем спомянутых горі в стрічы з президент Хорвациі Коліндом Ґрабар-Кітаровоч, были присутны члены Дружства Руснак – Мирон Гнатко, Наталия Гнатко, Матей Бурчак і Івона Гнатко.

Стрічу закінчыло спільне фотоґрафуваня делеґациі з президент Ґрабар-Кітарович.

Кореспонденцию з Загребя передала Івона Гнатко

Фотоґрафія горі зо сайту Уряду Президент Хорватской Республикы.

Izvor: web stranica – Ured predsjednice Republike Hrvatske.

Дружство Руснак в президента Хорвациі – «был, єсм і буду»

Повязаны дописы

Выходна Словакія почала співпрацу із Закарпатьсков областьов у области транспорту

Еврокомісарька видить проґрес у вопросі меншын на Україні. Русинів ани не стрітила

Łemkowie są…

Спомож нас / Wesprzyj nas