„Дукєльска Операция” на мобільках

До будучого рока буде сотворений мультімедияльний інтернетовий провідник та провідник в формі мобільной аплікациі на тему тзв. дукєльской операциі, яка проходила на польско-словацкым пограничы в 1944 році.

За істориками, Дукєльска Операция была єдным з найбільшых гірскых войсковых діянь ІІ Світовой Войны. Операция тырвала 56 дни на обшыри близко 1300 кв. км медже Коросном (Польща) а Свидником (Словация). Червена Армія выслала до воюваня ок. 160 тис. жолнірів. Війска Чехословациі мали більше як 16 тис. жен і мужчын, а війска Німців чыслили  100 тис. німецкых і угорскых жолнірів.

Мультімедияльний провідник буде в хронолоґічний спосіб описувал цілу операцию – змістом буде обнимал опис подій з мотузками до знимок, фільмів, мап, звуковых награнь, споминів ветеранів, книжок, документів та інчых. Вшытко тото буде повязане з цифровом мапом ҐПС.

Провідник буде доступний в шестьох языковых версиях – по ческы, словацкы, польскы, росийскы, англицкы і по німекцы.

За проєкт одповідат орґанізация Соспільство Людвіка Свободы в спілпрацы з інчыма єдиницями. Більше інформаций за мотузком.