Енді Варгол просит до музею…
Музей Модерного Мистецтва Енді Варгола в Меджелабірцях просит до ся на Ніч, а скорійше Ден Музеів 17. мая 2014 рока.
За дня буде мож м.ін. пообзерати постійны експозициі Енді Варгола, выставы авторства Павла і Джеймса Варголів, ци Маріі “Гуля” Валенчіковой, буде фільм про короля поп-арту і малюваня кошельок (анґ. spray painting).
Вночы додатковы атракциі то напр. музычний спектакль перед музейом і неоНЕОновий АРТ.
Вступ до меджелабірского музею 17. мая – дармо.
Дрібниці на залученых афішах.
Того рока світова акция під назвом Ніч Музеів буде проходила в вельох місцях та містах і селах світа. То культуральна подія, яка одбыват ся од 1997 рока, коли то німецка столиця Берлін отворила просторы своіх музеів на ніч, придаючы нестандардовы атракциі. Потім тота думка розповсюдила ся і на інчы міста і іх музеі в цілій Европі (тепер уж понад 120 міст!).
