Енді Варголь вчас Ночы Музеів в краківскым МОЦАКу

Недавно інформували сме о новій часовій выставі прац Енді Варголя 10 портретів Жыдів ХХ столітя в краківскым Музею Сучасной Штукы – МОЦАК, котрой вернісаж одбуде ся 14. мая 2015 рока о 18.00 год.

О ден – 15. мая – з нагоды Ночы Музеів, буде змога обзерати творы русиньского артисты вночы. В тот єден ден в році двері музею будут отворены допіро од 18.00 год., але аж до 1.00 год. любителі нічных артистычных прогульок насытят ся постійном експозицийом та пятьома часовыма (в тым Варгольовом) выставами, актуальні находячыма ся в МОЦАКу.

Більше інформаций найдете на сайті краківского Музею Сучасной Штукы.

Світова акция під назвом Ніч Музеів буде проходила в вельох місцях та містах і селах світа. То культуральна подія, яка одбыват ся од 1997 рока, коли німецка столиця Берлін отворила просторы своіх музеів на ніч, придаючы нестандардовы атракциі. Потім тота думка розповсюдила ся і на інчы міста і іх музеі в цілій Европі. Тепер уж ачий тяжко зрахувати, кілько музеів, інституций і міст влучат ся до той акциі.