10 портретів Жыдів ХХ столітя

Од 15. мая до 30 серпня т.р. в Музею Сучасной Штукы МОЦАК в Кракові буде мож видіти выставу прац Енді Варголя названу 10 портретів Жыдів ХХ столітя, на котрій представлений буде цикль серіґрафій найвызначнійшых осіб зо світа літературы, наукы, політыкы, выбраных подля коду етнічниой приналежности. Серед представленых мож буде видіти Альберта Айнштайна, Зіґмунда Фройда, Ґольду Меір, Ґертруду Стайн, ци Франца Кафку. Єденадцетым представліньом буде автопортрет самого Енді Варголя. Зато, окрем 10 вызначных люди, буде мож стрітити ся і з найвызначнійшым з русиньскых артистів.

Вернісаж выставы одбуде ся 14. мая 2015 рока о 18.00 год.. Координаторком выставы єст Моніка Козьол.

Більше – на сайті mocak.pl.

(фото з сайту: mocak.pl)