14. Свято Рыджыка

В вікенд 2.-3. жолтня/октобра тр. в Высовій одбуде ся 14. едиция Свята Рыджыка. В проґрамі м.ін. полюваня на Рыджыка, конкурсы, кєрмеш ремесельных выробів. Зрыхтуваный буде і едукацийный проґрам, прим. выстава «Грибы знаны і незнаны», лісовы варштаты і прогулькы, кулінарны показы. В артистичній части проґраму находят ся концерты музичных ґруп Lemko Jazz і Руты Увіты та спектакль на основі книжкы Мариі Стшелецкой «Бескід без кіту».