Х Стріча Любителів Низкого Бескіду

21. 11. 2014 - 23. 11. 2014

В днях од 21. до 23. листопада т.р. буде проходила ювілейна і уж десята Стріча Любителів Низкого Бескіду. То стріча осіб, якым серцю близкій є Низкій Бескід – слова тоты то головне мотто порталю beskid-niski.pl, за котрым стоіт особа Бартломєя Вадаса, якій є ініциятором і орґанізатором стірчы.

Порталь beskid-niski.pl то найбільше компендиюм знаня о Низкым Бескіді і Лемковині та Лемках взагалі, при якым вытворило ся активне дискусийне форум – форум люди, котры давно тому рішыли, же хотят стрітити ся в тзв. реалю, хоц, як то на запаленых любителів пристало, свойом дорогом окрем того стрічают ся деси на його путях. Але тоты шторічны стрічы сут вынятковы: в остатній роках выкристалізувал ся уж іх стиль – каждоразово є то зорґанізувана подія з прелеґентами, заплянуваныма вандрівкамы за дня, а нерідко і додатковыма атракциями приносячыма хосен Низкому Бескідови, як напр. ремонт капличкы, ци придорожного креста. І того рока не бракне выміненых елементів: буде показ фільму Вовчы Горы – оповісти о єдным з остатніх дикых місц Европы – горах і лісах Східніх Карпат і іх натуральных жытелях. Буде вельо інтересуючых прелекций – про цмонтері Душана Юрковіча, сакральну архітектуру на Лемковні, про збійників, про екотерроризм, а і радийо лем.фм вштурит своі три ґрошы.

Конечна є скорша резервация місц. Вшыткы дрібниці найдете за тым мотузком.

Повязаны дописы

Польковиці 103,8 МHz
Ґорлиці 106,6 MHz

Наш порталь можете чытати чысто дармо, але кєд маш охоту - можеш нас спомочы. Буде нам барз мило!

Жебы спомочы нас даком вплатом, без ниякых зобовязань, втисний притиск або зоскануй код QR.

Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.

Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.