Харітатівный концерт мукачівского хору в Пряшові і Свіднику
3. 10. 2014 - 4. 10. 2014
Ґрекокатолицькый архієпіскопскый уряд в Пряшові і ґрекокатолицькы парафії в Пряшові і Свіднику вас запрашають на Харітатівный концерт за мір на Україні, котрый буде проходити в пятніцю 3. октобра в Пряшові і в суботу 4. октобра во Свіднику. Співати буде Мукачівскый хор хлопців і юнаків під веджіниом Володимира Волонтира.
В пятніцю буде хор допроваджати о 16.30 год. в Катедралнім соборі св. Йоана Крестителя в Пряшові архієрейску службу Божу, котру буде одправляти преосвященый Йоан (Бабяк), пряшівскый архієпископ і метрополіта Словакії. По службі буде наслідовати харітатівный концерт за мір на Україні.
В суботу буде хор допроваджати служубу Божу о 18.00 год. в церькви Божой Мудрости у Свіднику, котру буде служыти свідницькый протопресвітер отець Марек Пульщак. По службі буде таксамо проґрам продовжовати харітатівным концертом за мір.
На концертах буде можливость добровольно приспіти на харіту Мукачівской ґрекокатолицькой єпархії.
Жрідло: Пряшівска ґрекокатолицька архієпархія
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
