Концерт Терочкы в Кракові

В найблизшу неділю 5.02 о 18.00 год. в Літерацкій Кавярни в Кракові одбуде ся концерт ансамблю Терочка діючого при Стоваришыню Руска Бурса в Ґорлицях.

Aнсамбль был оснований в 2008 р. през Андрия і Галіну Малецкых. Діти і молодіж приходят до Руской Бурсы, вчат ся лемківскых пісні (народных і авторскых), языка, культуры. Ведены занятя мают елементы наукы співу, рытмікы, танця, плястыкы, розвивают креатывніст і выображыня. Тоты стрічы служат тіж інтеґрациі. Aнсамбль концертувал м.ін. на Лемківскій Ватрі в Михалові, на імпрезі „Од Русаль до Яна” в Зындранові, на Бєналях в Креници, Катовицях, Театрі Словацкого в Кракові і інчых. Головні єднак украшат імпрезы Руской Бурсы. На осін минулого рока ансамбль выдал свою першу платню, буде мож єй придбати сой на концерті, а высылково кружок доступний єст гев.