„Лемківскы церкви” в Польско-Словацкым Домі в Ґорлицях

Ґорлицкій Центр Культуры, Польско-Словацкій Дім ім. Д. Юрковіча і Осередок Православной Культуры Елпіс в Ґорлицях просят на выставу малярства Павла Лопаты Лемківскы церкви.

Вернісаж выставы одбуде ся 2. вересня т.р. о 17 годині в Польско-Словацкым Домі ім. Д. Юрковіча (Рынок 1, Ґорлиці). Лемківскы церкви буде мож обзерати до 23 вересня т.р.

Павло Лопата – вр. 20 III 1945 р. в Чехословациі. Студиювал на Академіі Красного Мистецтва в Братыславі, пак еміґрувал до Канады і в 1972 році скінчыл малярскы студиі на Джордж Бравн Коледж, а в 1986 році в Онтаріо Коледж Арт. Малює хоснуючу олівок, темперу, акриль і олійны фарбы. Тема образів ріжнорідна – од портретів, сакральной архітектуры, через іконы і сурреалістычно-символічны образы. Выставлял в Канаді, ЗША, Словациі, Польщы і Украіні. Його образы находат ся в вельох приватных і музейных засобах по цілым світі. Колекцию 60. образів Лемківскы церкви має в своі колекциі Епархіяльний Осередок Православной Культуры Елпіс в Ґорлицях.

Выстава орґанізувана є в рамкях Тыжня Православной Культуры в Ґорлицях.