Малюваня яєц в Бурсі

2. 4. 2023, Руска Бурса, Ґорлиці

Малюваня яєц то циклична подія, котра в календари Руской Бурсы гостит уж вельо років. По перерві спричыненій пандемійом, вертаме до спільного прикрашаня великодных писанок. Просиме до Руской Бурсы в Ґорлицях на неділю 2. квітня/апріля 2023 р., на 15.00 год.

Вчас спільной стрічы продолжана буде традиция рыхтуваня великодніх писанок батіковом методом. Наносит ся розтопленый воск на верхню верству яйця, хоснуючы метальовый писалец з головком. Може то быти і деревяный патичок, стебло ци соломка звінчены шпильком або цвячком. Набраный розтопленый воск наносит ся в формі короткых крисочок ци протинків на яйце.

Тогорічны варштаты батканя яєц заплянувано на 2. квітня/апріля 2023 р. Вшыткы охочы прикрасити яйця на Великден будут мати таку нагоду, прото што стріча пройде так перед Великодньом празднуваным подля григорияньского, як і юлияньского календарів.

Участ є безплатна, забезпечены будут фарбы, воск, шпилькы. Зо собом треба принести яйця – найліпше, жебы уж были поварены.

Loading Map....