Велийнa Стрічa в Рускій Бурсі.

27. 12. 2019, Руска Бурса, Ґорлиці

Уж в найвлизжу пятницю 27. грудня/децембра згідні з бурсацком традицийом буде нагода вшыткым разом сісти до велийного стола.

Стріча зачне ся о 16.00 годині в будинку Стоваришыня, алє як што рока мож прити скорше, жебы разом рихтувати велийны стравы при звуках коляд. В тым часі молодшы будут мочы пристраяти яличку і робити святочны прикрасы, котры буде мож пак обзерати в цілій бурсі.

В час тогорічной стрічы виступлят дві ґрупы ансамблю Терочка діючого при Стваришыню Руска Бурса, котры запрезентуют богатый коладничый репертуар. Буде можна і послухати прелекциі про лемкілскы різдвяны звикы. Оповідати будут ученникы середніх шкіл зрихтуваны через учытельку лемківского языка Моніку Тилявску.

Велийна Стріча то найліпша нагода до передсвяточной бесіды та спільного колядуваня. Вказує як богата єст святочна традиция Лемків і як дуже можеме ся іщы о ній дознати, окрем того дає нагоду до спільного целєбруваня і тішыня ся з надходячых різдвяных свят.

В імени орґанізаторів – сердечні просиме.

Loading Map....

Повязаны дописы

Польковиці 103,8 МHz
Ґорлиці 106,6 MHz