„Вроджайник” Мирка Нагача

27. 9. 2014

Объєднаня Лемків орґанізує сртічу посвячену Миркови Нагачови в річницю його 30. уродин. Стріча проходила буде 27. вересня т.р. о 19.00 год. в Центрі Культуры ім. Б. І. Антонича в Ґорлицях. О Мирку будут оповідати запрошены гості: Aнджей Стасюк, знаємы зо студентскых часів: Дорота Масловска, Міхал Суфін, Якуб Жульчык, приятелі зо середньой школы, а єдночасно героі дебютанцкой книжкы М. Нагача Вісем штырі (Osiem cztery), близкы і родина.

Мирко Нагач (9 XI 1984 – 21 VII 2007) – писатель, вродил і выховал ся в Ґладышові на Лемковині. Студиювал культурознавство на Варшавскым Університеті. Дебютувал в 2003 році книжком Вісем штырі (Osiem cztery), за котру отримал Нагороду Творчой Фундациі Наталиі Ґалл і Рышарда Полляка. Писал фельєтоны до часопису „Філіпінка”, спілпрацувал з ґазетом „Лямпа”. В його творчости находят ся іщы выданы друком книжкы Бомбель (Bombel), Боцaн і Льоля (Bocian i Lola) i Нєзвычайны подіі Роберта Робура (Niezwykłe przygody Roberta Robura). В 2014 році книжку Бомбель переведено на русиньскій язык – Алескандер Мудрий і Томаш Квока перевюли ю на русиньскій язык в бачваньскым стандарді, а Петро Криницкій в лемківскым. Обі версиі доступны до почытаня в бібліотеці Руской Бурсы в Ґорлицях.

(фот. ґамбокнижка)

Повязаны дописы

Польковиці 103,8 МHz
Ґорлиці 106,6 MHz

Наш порталь можете чытати чысто дармо, але кєд маш охоту - можеш нас спомочы. Буде нам барз мило!

Жебы спомочы нас даком вплатом, без ниякых зобовязань, втисний притиск або зоскануй код QR.

Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.

Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.