XIV Лемківскій Єрусалим в Ґорлицях

Объєдная Лемків просит на шторічну выставу сучасного малярства Лемківскій Єрусалим. Тогорічна, штырнадцета едиция, посвячена є творчости Епіфана Дровняка – Никыфора, сміло мож речы – світовой славы маляря-примітывісти. Попри малюнках Никыфора выставляны будут працы Едварда Двурніка – єдного з найзнаменитшых польскых сучасных малярів, якого слава сігат на цілий світ. Двурнік, подібні як Никыфор, є артистом барс плідным – його творчіст обнимат білше як 3,5 тісяча робіт (образів, ґрафік, рисунків). Творів Никыфора нихто не был в силі зрахувати. Никыфор малювал всядиль і на вшыткым. Част своіх русинків роздал, або продал за пілдармо. Записувал в тот спосіб світ довкола – одтале назва XIV Лемківского Єрисалим – Записник зо Світа.

Никыфора і Едварда Двурніка лучыт не лем світова слава і плідніст. Фондаментом для творчости самого Едварда Двурніка была стріча з творчістю Никыфора літом 1965 рока на выставі в Кєльцях (Kielce). Од намалюваного під влияньом выставы “Рисунку но 1” артиста датує свою творчіст. Як сам бесідує, Никыфор был для него найважнійшым мастером, властиві єдиным¹.

Лемківскій Єрусалим обзерати мож од 8. до 31. серпня з ґалериі Рінґ в Ліґници. Окрем прац Никыфора і Двурніка, свою творчіст запрезентуют тіж Стефан Телеп, Ґжеґож Штвєртня, Наталія Гладик (кураторка выставы), Йоанна Земанек, Єжы Добжаньскі, Матеуш Будзиньскі, Сергій Петлюк, Михайло Барабаш, Тереза Барабаш, Олексій Хорошко, Тетяна Скромна, Данило Мовчан і Михайло Колодко.

¹ culture.pl