ЄМ ПАМЯТЮ. Пару сценічных ескізів про Лемків – спектакль в Ґорлицях

7. та 11. серпня/авґуста о 19.00 год. в Ґорлицкым Центрі Культуры одбуде ся показ спектаклю:

ЄМ ПАМЯТЮ. Пару сценічных ескізів про Лемків

Єдна з лемківскых леґенд бесідує історию «сплячого» войска. Подібно ціла амрія в полным зброіню разом з оружоносцями і кінми спит в підземлях замку на Горі Святой Ядвіґы. Лемкы, будучы єдном зо штырьох вызнаных етнічных меншын в Польщы, сут фурт в загальній свідомости так само таємничы, як тото спляче войско з леґенды. Вельо в тым вины выселенчых акций, котры мали довести до затрачыня іхньой культуровой достоменности звязаной з обшырю, на котрій прожывали. Спектакль ЄМ ПАМЯТЮ є експедицийом в глубину іх істориі, експедицийом до середины маґічного світа лемківскых леґенд і звыків, поворотом до часу, коли кажда гора і каждый камін бесідували свою історию, а праві за каждом з тых історий ховали ся страшыло ци дух.

Пєсу зрыхтувано нa пограничы артистичных та соспільных діянь, анґажуючы професийных театральных творців і місцевых люди. В проєкті участ берут професийны артисты та жытелі Ґорлиц і околиц. Од червця до серпня вшыткы разом досліджали памят, котра тыкала Лемків. В час спільной роботы створили спектакль, якій лучыт елементы драматичного театру, театру танця і мультімедияльного видовиска.

Режысерия і сценоґрафія: Войцєх Фаруґа

Музика: Стів Наш

Выступуют: Якуб Кручек, Кристиян Лысонь, Оскар Мафа, Ніна Мінор, Катажына Павловска

та

БАРБАРА ФУҐЄЛЬ, КАМІЛЬ ГУДЗІК, МАРИЯ ГАЛЮХ-ҐРОНДАЛЬСКА, КАТАЖЫНА ЦЕТНАРОВСКА, МАЛҐОЖАТА БАНЯ, МАРЛЕНА ПАХЛЯ, АҐНЄШКА ВІТУСІК, ЯЦЕК ЛЕСНЯК, АНЕТА КАРПІНЬСКА, КАЦПЕР ВІКТОРЕК, НАТАЛІЯ МАЛЕЦКА-НОВАК, АПОЛЬОНІЯ ҐЕППЕРТ, ВЕРОНІКА ВРОНОВСКА, ОЛІВІЯ СВЬОНТЕК, ІЗАБЕЛЯ КЖЫШЫХА, ОЛІВІЯ ПЖЫБЫЛОВІЧ, КАРОЛІНА ТОМАСІК, ЗОФІЯ КЖЫШЫХА

Спектакль зреалізувано в рамках проєкту ЛЕМКІВСКА ОДИСЕЯ. Вступне дармо