«Феномен Бескідів»: Церков св. Параскєвы в Квятони – субота, 14.00 год.

Запрашам до выслуханя осмого одтинка проґраму з циклю «Феномен Бескідів – деревяны церкви і костелы» зреализуваного в рамках творчой стипендиі Міністра Культуры і Нацийональной Спадковины.

В проґрамі пн. «Церков св. Параскєвы в Квятони» провідник по церкви Ян Гыра оповіст о обєкті, котрым опікує ся од років. Ян Гыра вельо уж років жыє в Квятони. Його істория опікуваня ся квятоньском святыньом зачала ся в 1988 р., а был то припадок. Вчас єдной з інвентаризаций в його хыжы затримали ся особы занимаючы ся охороном памяток. На початку 90. років ХХ ст. проведеный был ремонт святыні. Од тамтой поры Гыра анґажувал ся в поміч при єй модернізациі.

Премєра субота 8. мая 2021 р. о 13.00 год., повторіня в четвер 13. мая 2021 р. о 16.00 год.