Філм Потопа здобыв далшы оцініня

По тім, як Потопа стала найуспішнішым філмом в рамках словацькых філмовых премій Slnko v sieti, і была номінована за Словацьку републіку до катеґорії Найліпшый меджінародный філм в рамках Премії америцькой Академії філмовых умень і наук (Оскары) в їй 99-ім річнику, котрый одбуде ся в слідуючім році, філм здобыв далшы успіхы.

В пятніцю 18-го септембра 2026-го року гостило братіславске Štúdio L+S ґалавечур присвяченый 37-му річнику передаваня словацькых народных філмовых і телевізных оцінінь Igric 2026.

Іде о найстарше передаваня авдіовізуалных оцінінь на Словакії, котрого орґанізаторами суть Словацькый філмовый союз, Унія словацькых телевізных творців і Літературный фонд.

Ціну Igric за женьске акторьске выконаня здобыла Сара Хрипакова, котра грала головну женьску роль у філмі Потопа. Ціну Igric за грану творчость про кіна здобыв режісер того першого по русиньскы граного ціловечерного філму Мартін Ґонда.

Творчу премію за мужске акторьске выконаня здобыв Йосиф Пантликаш, якый грав головну мужску роль у філмі. Оцінены были і продуценты Потопы. Шпеціалне узнаня жюрі про продуцентів здобыла Катарина Кырначова і Томаш Ґіч.

Фото: FB/Film Potopa.