«Гіст в лем.фм» – бесіда з лідером Lemko Bluegrass Band – Ростиславом Татомиром, середа, 20.00 год.

Запрашам на бесіду з лідером ансамблю Lemko Bluegrass Band – Ростиславом Татомиром. Інтервю было проведене минулого тыжня, по концерті ґрупы в столици Нижнього Шлеска – Вроцлаві. Было то выступліня в рамках Львівского Місяця, котрий проходит як цикль подій, стріч, концертів, выставок, звязаных з Европейском Столицьом Культуры, котром в 2016 році є місто Вроцлав.

Концерт ансамблю зо Львова был такой неофіцийным одкрытьом Лвівского Місяця і з той причыны проходил радше в камеральній атмосфері – што з пункту пізріня пристуных гостів было доцяп комфортове, бо подія проходила на малым просторі.

Редакциі радия лем.фм по выступліню ґрупы Lemko Bluegrass Band  повело ся коротко побесідувати з лідером ансамблю. Хоц в нашым інтервю – по части – навяжеме до самого концерту, являт ся оно універсальным зато, же звідали сме Ростислава Татомира о його звязкы з русиньскым походжыньом, про назву ансамблю і загальну ідею навязуваня до лемківской народной музыкы, котра (не єден ся може зачудувати) має вельо спільного з музыком Пілнічной Америкы. Будут і поздоровліня для слухачів нашого ефіру!

Хочете знати більше – слухайте днес о 21.00 год. радийо лем.фм!

Проґрам повториме наступного дня о 3.00 год., 9.00 год., та в найблизшу суботу о 12.00 год. за русиньскым часом.