Голос од Пряшова – «Говорить Пряшів» – пятниця, 20.00 год.

Скоро летит час. Конец рока о тілько тяжкій, што каждий, хто реалізує своі річны пляны, мусит вшытко позаперати до кінця грудня/децембра. Нашы орґанізациі так діют. Неє то добре. Знают сесе тоты, якы ден і ніч борют ся, жебы вшытко было запняте на остатній ґуздик. Такы сут реалиі дотацийного діяня, браку професийной інституциі культуры.

Но, але як уж ся дашто приобіцяло, як уж слухачы знают, што кажду пятницю проґрам од Пряшова, то неє рады – треба рыхтувати не лем сам проґрам, але і вводне слово до нього. Днес коротко, бо шефредактор повіли, што більше треба писати «на тему», а не «до темы». Най буде. Бодай з раз послухаме.

Но то «на тему». В Нашых целебритах про єдного з найвызначнійшых русиньскых діячів і священників, народженого в Дрєници, о. Теодора Ройковича. Послугу нюс в Дачові, а пак в славным поломицкым місци на Пряшівскій Руси, Лютині. В Книжници.фм – найбарже «лемківскы» зо вшыткых пряшівскых вершів – тексты о. Емилияна Кубека. Най ся любит!


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.
 

 

Повязаны дописы

Коментарі

Польковиці 103,8 МHz
Ґорлиці 106,6 MHz