«Говорить Пряшів» – пятниця, 20.00 год.

Хыбаль єднак дахто чытат заявкы нашого поучытельного проґраму. Ачий якысы неземскы силы, якы покус слухают нашого молиґаня. Іде ґу ліпшому. Зима одпущат, сніг тає, а при тым і нам ся легше буде жыло.

Радіст велика, што уж в надходячу ніч з суботы на неділю будеме міняти час з зимового на літній. То такой вынаходом лем декотрых держав того світа. Сут на ґлобі тіж і такы, якы часу не міняют і якоси жыют. Самособом, я николи не міг поняти арґументу, же тото веде до шпаруваня енерґіі. Шак найти мож арґументы за тым, што є доцяп інакше.

Коротше отже той неділі поспите, але ден буде долший, та і жыти ся більше буде хотіло. Яр хыбаль до нас вкінци приде. Бо кєд бы мало быти інакше, та сельскє перезимували мы зиму, та і яр перезимуєме было бы в тым місци істо властиве.

В днешнім «Говорить Пряшів» в части «Нашы Целебриты» стрітиме ся з інформациями про Михала Поповича, юристу, поету і участника борбы проти фашызмови, якій походил зо села Великы Комяты на Підкарпатскій Руси.