«Говорить Пряшів» – пятниця, 20.00 год.

Спішме ся, бо то уж остатні дни літа. Так нам бесідуют тоты, што голосят вістку про хвилю. Має зачати ся осін як суцо. Буде студін, буде ляло. Нам фурт може быти іщы приємно, коли будеме коло слуханя ЛЕМ.фм.

Наше радийо чути добрі всяди там, де лем хочеме. Часом засяг традицийных ультракороткых волен є гірший, а часом ліпший. Діє ся так за причыном як раз хвилі. Як сонце, то може і ліпше нам ЛЕМ.фм заграт в Бортным, Конечні ци Устю. Кєд дойдж, то може кус шуміти в Ліґници ци Яворі. Важне, же фурт грат, неперерывно і постенно. З того сут горды Лемкы. Надійме ся, же вшыткы.

В пятниці ввечер приходит ся нам стрічати з Пряшовом. Якоси так, сентиментально тягне нашых до такых самых «нашых», лем же з другой страны хырбета. Най ся любит і днешній проґрам, в котрым выслухаме про Нашого целебриту, політика – Петра Гаталяка. В Перличці штоси, што буде ся подабало юбителям лемківского футболю. Будут спортовы темы – про футбольову команду СК Русь Ужгород! А ци были сте в высокых горах Татрах? Кєд ніт – та возме Вас гын Теодозия Латтова.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.