«Говорить Пряшів» – середина серпня – пятниця, 20.00 год.

Дішли до нас слухы, што о тыжден, на вікенд 26.-27. серпня/авґуста т.р. не стрітиме ся в Пряшові, а в Бардийові! Покля што уж ся ґу тому збераме. Не думайте, же тото заступит наш о тыжньовий, премєровий проґрам «Говорить Пряшів», але быти на Пряшівскій Руси не лем духом, а тільом – то досправды приємна річ. 

Но, але вернийме до днеска. В днешнім премєровым, поучытельным проґрамі просто з Пряшова, од камаратів з Русин.фм, почуєме вельо доброго, вельо мудрого і кусіся може смішного. На сам зачаток припонийме, што в 2017 році свою округлу сімдесятку празднує наш Мурянка. Про Його поезию в днешній Книжниці Русин.фм. Вершы прочытат як все, незаступлений Ігор Латта. Но, а што дальше? В Нашых целебритах про Константина Грабаря, а в Історичным календарю про діяльніст Адольфа Добряньского. То дуже. Але то не вшытко!

Красні просиме. Днешній проґрам досправды про Вас. А о тыжден і єден ден видиме ся в Бардийові.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.