Голосник

«Говорить Пряшів» – третій тыжден листопада/новембра – середа, 20.00 год.

На Карпатску Русь пришла зима. Може кус несподівано (напевно в примірі Лемковины), бо неєдно лемківскє село было міцно закурене за послідній вікенд, ай в неділю до церкви тяжко было выйти з хыжы, але уж одповідні службы попрятали сніг, та і сам дакус стаял. Ци сніг, ци мороз – тоты дві річы не вадят русиньскым медиям, котры каждий тыжден рыхтуют для вас порцию свіжых інформаций.  Не може быти інакше і того студеного тыжня листопада/новембра.

В днешнім «Говорить Пряшів», днес по 20.00 год., почуєте м.ін. статю з ґазеты «Наша Школа» про русиньскє шкільництво на Підкарпатскій Руси, за мадярскых урядів реґента Горті.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі