«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Еміл Курта – народный філозоф, писатель, котрый перешов велику і богату жывотну путь.
Наш герой полюбив поезію слухаючі урокы хедера, котры проходили дома у сусіда Жыда – Шварца Йосифа. Тямить страшны часы Голокаусту на ярь 1944-го року, а такой приход руськых восени того же року. Тямить і зачаткы совітьской школы, коли школярі вчіли ся писати на аґітаційных листовках.
Еміл Юрійовіч писав поезію і прозу вшыток свій жывот, але його правдивы творы у совітьскы часы могли привести лем на Сібір. Зато вшытко написане до 50-річного віку гость «Голосів Русинів Підкарпатя» спалив. Але коли пішов на пензію, зачав писати інтензівно і за свої грошы выдавав книгы.
Творчость Еміла мож оціньовати вшелияк, но як він сам пише: «Сам для себе я поет, сам для себе я і Русин». Філозоф є філозоф…
Слухайте «Голосы Русинів Підкарпатя» в середу 27-го мая 2026 р. о 18.10 год., або повторіня в четверь 28-го мая о 4.30 год. і в суботу 30-го мая о 11.00 год. за русиньскым часом.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
