«Голосы Русинів Підкарпатя» – середа, 18.10 год.

Лем теперь сьме выслухали запис співанкы «Верьховино, мати моя», котру ісповнив Закарпатьскый народный хор ищи у 1960-ім році.

Про автора музикы і слов того музикалного шедевра Михаіла Машкіна споминали сьме у різных выданях «Голосів Русинів Підкарпатя» много раз. У 1954-ім році тот ґеніалный композитор основав у Довгому самодіяльный народный ансамбель пісні і танця «Боржава», котрый вів до 1971-го року. А по траґічній смерти Машкіна колектів серенчливо працовав іщі до 90-ых років 20-го столітя, коли розпав ся лісокомбінат і фінанчно підпоровати ансамбель не было кому.

Але в 2023-ім році «Боржава» возродила ся. Теперь то народный хор, про котрый нам розповість керовниця «воскресшого» колектіва Тетяна Гецко.

Слухайте «Голосы Русинів Підкарпатя» в середу 22-го юла 2026 р. о 18.10 год., або повторіня в четверь 23-го юла о 4.30 год. і в суботу 25-го юла о 11.00 год. за русиньскым часом.