«Голосы Русинів Підкарпатя» – середа, 18.10 год.

Выслухали сьме теперь стих «Сасово» авторства Віктора Черкуна. І прочітав го сам автор, наш днешній гость, котрый ся народив у тім самім селі Сасово на Виноградівщіні.

22 рокы наш герой робить на меджінароднім транспорті –  шофером-каміоністом. Там, у пути, і зачав писати. Раз творив стихы по україньскы, а надале і по русиньскы.

Обышов не мало вшелиякых держав од Алма-Аты і Новосібірьска на Востоці до Мадріда і Дабліна на Западі. Є автором чотырьох книжок – три зборникы  стихів, і єдна з філозофічнов прозов. Робить много з русиньскыма лексемами, глядать їх етімолоґію. Бадать теолоґію.

У планах Віктор має выпустити книгу під назвов «Вагомый аргумент», о котрій нам днесь розповість.

Слухайте «Голосы Русинів Підкарпатя» в середу 29-го юла 2026 р. о 18.10 год., або повторіня в четверь 30-го юла о 4.30 год. і в суботу 1-го авґуста о 11.00 год. за русиньскым часом.