«Голосы Русинів Підкарпатя» – середа, 18.10 год.

Володимір Глеба народив ся у найкрасшім кінцю Підкарпатя – у селі Соймы на Марамороши. Його дідо – американ, пришов з Канады і скупив найліпшы землі. Кебы не совітська власть, то наш гость, бізовнов, ґаздов бы быв. А так мав подаровану іншаку долю.

Мальовати зачав скоро. Чужді люде – турісты вказали, як то ся робить, і Володимір зачав вказовати свій талент. І не лем мальовати, а іщі вырізавати з дерева.

В ранній молодости вказав ся іщі єден дар Глебы – розмальововати храмы. Дякувучі зому Володимір Васильовіч фурт мав честь быти коло духовного, коло церькви.

Іщі єдно, што з файного боку розкрывать нам нашого героя – то його педаґоґічна діятельность. Бо самому знати – єдно, а передавати знаня другым – намного важніше.

Слухайте «Голосы Русинів Підкарпатя» в середу 9-го септембра 2026 р. о 18.10 год., або повторіня в четверь 10-го септембра о 4.30 год. і в суботу 12-го септембра о 11.00 год. за русиньскым часом.