«Голосы Русинів Підкарпатя» – середа, 18.10 год.

Павел Пеняк є корінным Ужгородцьом, котрый ся народив у 1958-ім році. То єден з патріотів Підкарпатя, котрый не говорить по русиньскы, але честує русиньскый народ як і другы народы, якы заселяють наш край.

Коли-м зазвідав гостя «Голосів Русинів Підкарпатя», як говорили у час його дітвацтва в Ужгороді, то він одповів, же половка міста говорила на україньскім языку, а друга – на руськім. Русиньску бісіду было чути на базарі або меджі тыма выходцями із сел, котры перебрали ся жыти до Ужгорода. Но в тот час і тоты носителі русиньского слова асіміловали ся. Страту бісіды Карпаторусинами Павел Степановіч называть мінусом у розвої нашого народа і Пудкарпатя обще.

Ученый-археолог, выкладач Факулты турізму і меджінародных комунікацій, наш гость має на вшыткы історічны процесы, котры перешли в краю, свою думку. Є членом редакчной колеґії русиньского журнала «Отцюзнина», бо судить, же нашы люди о минулім Підкарпатя мають знати веце.

Слухайте «Голосы Русинів Підкарпатя» в середу 14-го октобра 2026 р. о 18.10 год., або повторіня в четверь 15-го октобра о 4.30 год. і в суботу 17-го октобра о 11.00 год. за русиньскым часом.