«Голосы Русинів Підкарпатя» – середа, 18.10 год.

Днесь в нашім выданю представиме вам інтервю з русиньсков клавірістков, журналістков, а в сучасности і радіоведучов Оленов Копинець-Бартов, знамов під псевдонімом Ілона Барта. А побісідуєме о ролі русинства в їй професіоналнім і особнім жывоті.

Ключовы темы інтервю:

• Русинство через жывот файты Копинець
• Творча путь музиканткы Ілоны Барты
• Робота на інтернетовім радію Єден як гобі Ілоны Барты

Олена Павлівна Барта (Копинець по вітцьови) народила ся 24-го фебруара 1960-го року як старша дівка у малодітній родині інтеліґенції у місті Мукачово на Підкарпатю. Отець, Павло Михайлович Копинець, знамый композітор на Підкарпатю і за його граніцями, а мама, Марта Ласлівна Шиповіч, філолоґ україньского языка.

Родичі іщі од дітинства своїм дівочкам прививали любов до высокой културы. Як говорить сама респондентка: «до років шість мене воспитували як в елітній сімї – діставала єм лекції етікеты, каждый день наслух учіла єм нову пісню, чітала єм німецькы тексты, но дома ся говорило по нашому, непозераючі нинашто».

Од дітвака брали участь у музичных концертах, «першыраз раз мені было років пять, а сетрі  – три,» – споминать пані Олена. Выконовали на сцені преважно класічны композіції в допроводі отцьовой гры на гармоніцї. В дорослім віці продовжовали выступати як дует із сестров у Закарпатьскій областній філгармонії в Ужгороді.

Повну середню освіту, а то десять клас, здобыла в роднім місті. Наслідно в році 1974 пішла ся учіти на Ужгородьскый музичну школу імени Д. Є. Задора на одділіня клавір і теорія музикы. По успішнім закінчіню штудій в році 1978 зачала робити в шпеціалізованій музичній школі, де працовала аж до самої пензії. В році 2007 при Мукачівскій державній універзіті дістала тітул маґістер музикы (M.Mus.).

На пензії почала присвячати бівше часу своїм гобі, такым як журналістіка і русиністіка. В резултаті чого стала сполуведучов прот. Димитрія Сидора в проґрамі Живый русинськый язык. А од року 2018 веде свій властный проґрам Но Се Ай в рамках інтернетового радія Єден під псевдонімом Ілона Барта.

Слухайте «Голосы Русинів Підкарпатя» в середу 9-го юна 2021 р. о 18.10 год., або повторіня в суботу 12-го юна 2021 р. о 11.00 год. за русиньскым часом.