Горілка буде сильнійша

Не знаме, ци не буде з того біды, же таку інформацию подаєме. Але місия нашой підредакциі то шак інформувати о вшыткым, і тым добрым, і тым планным. Може донос до такых або інчых служб тым разом нас обыйде.

Отже, перейдме до конкретів. Горілка ци палюнка (а може і палена вода) буде сильнійша як николи. Неєден наш товариш, в неєдным лемківскым селі з того радый. Вкінци в нас традиция долга і богата. В каждым селі, в каждым домку, варят люде самогонку…

Офіцияльно, жебы сте шак знали, палюнка буде тепер 55-процентова. А пиво, незалежно од кріпкости, буде мож купити в каждым склепі.

І одраз одповіме цікавым – при нашых народных домах і бурсах ниякых склепів не орґанізуєме! Мусиме здати ся самы на себе, не вшытко добре годно сме дати. На добре выйде тіж і тото, што з єдного шынку до другого будете мати меньше крочків, а преця нераз по ночах чловек бідный як овечка зблудил.

Горілка буде сильнійша.

Пиво можна буде продавати в каждом склепі.

Рада министров предложила до подписаня Презыдентови Річипосполитой декрет, котрый вводит великы зміны в переписах о спиртном монополю и в продажі алькогольовых напитков.

Горілка має містити в собі не 45, а 55 процент алькоголя. Пиво без взгляда на вмістимость алькоголя можна буде продавати каждому, буде лем введеный обовязок реєстрации.

Має быти также увеличене число місц продажи алькогольовых напитков и уменшене отдаленє одиного вышинка от другого.