Голосник

«Говорить Пряшів» – пятниця, 18.10 год.

По правді днешня пятниця така сама як кажда, але нам ся видит, же она дакус інча. По перше, маме уж офіцияльно літо. Тото долгождане, на котрым кус ся хыбаль сме покля што завели. По друге, уж заран всенародна стріча в нашій будівли в Ґорлицях.

Зачныйне од того, што на Лемковині через так долгій час уж давно не ляло. А ліє, мож речы, безперерывно. Кєд бы так посмотрити, то такой цілый май, а тепер і червец, фурт лем дощ. З того што знаме, то єдны ся тішат, другы зас кус меньше. Як то в жытю, де зыйде ся дхоє Лемків, там три погляды.

По друге, треба нам знати, што все такє правдиве літо приходило в липци на Лемковину. Тото значыт, же надія іщы є. Віриме, што сонце приде, што буде гріло. Але так, жебы при тым хвиля міркувала. Воды нам треба, як і природі.

Інча спарава, што уж заран в Рускій Бурсі в Ґорлицях одбуде ся загальне зобраня членів той найстаршой лемківской орґанізациі. Може дахто з Вас належыт до ней, так тым більше тішыме ся на стрічу. Перед тым, най каждый выслухат днешньой премєры «Говорить Пряшів», передачы з цікавыма інформациями од камаратів з Пряшівщыны. Кєд Вам мало, так заран нажыво буде мож ся з нима стрітити в нашій бурсі. Придут, а може і дакій подарок принесут. По тихы на сесе рахуєме.

Так ци інакше, витайте днес коло слуханя дальшого одтинка «Говорить Пряшів».

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі