«Говорить Пряшів» – пятниця, 18.10 год.

Зас витаме вікенд. Добрі нам ся водит, кєд маме час на приємности. Єдны люблят чытати книжкы, інчы змагати ся спортово, а іщы інчы просто слухати радийо. І тых вшытых, што ім радийо близкє серцю, запрашаме на днешню премєру прямо од Пряшова.

Днес припомянеме си грекокатолицкого священника, активного члена русиньского возродного руху на Підкарпатю, члена президиі Народной Рады Русинів Закарпатя – о. Штефана Сюча.

В «Книжници.фм» будут вершы русиньской авторкы з Пряшівщыны – Гелены Ґіцовой-Міцовчіновой.

«Перличка» – ту дознаме ся, што село Новоє Барово 20 років не мало священника – о іх радости з нового духовного отця пише ґазета «НедѢля».

Наконец «Припоминка». Ту побесідуєме о стародавным поломническым місци – о Буковій Гірці.