«Говорить Пряшів» – пятниця, 18.10 год.

Спішыме ґу вам з тым, што в кажду пятницю вшыткых нас жде. А є то авдиция од нашых камаратів з Пряшова, такых самых Руснаків як і мы. Дознайме ся, што мают нам до переданя. Пошырюйме горизонты.

Нашым днешнім целебритом буде Миколай Дудаш, грекокатолицкій єпископ, василияньскій монах. Пак в Книжници радия Русин.фм почуєме баллады од Анны Гальчаковой.

Перличка – ґазета «Недѣля« занимат ся судьбоМ – ци маме на ню вірувати і вшытко ій приписати, або ся самы намагати в жытю? Яка буде одповід – дознате ся в проґрамі.

Но і на конец Припоминка. З нагоды сотной річниці народжыня Анны Галґашовой вытягнеме пару пословиц, поговорок, котры наша родачка долгы рокы зберала.