Тота пятниця не єст весела. Не зато, же може не чути такого літа, як оно повинно быти о тій порі. Лем зато, же є то першый ден, коли єдна з найкрасшых християньскых святынь Агія Софія наново стала мусульманьскым мечетом.
Тота подія є днес коментувана во вшыткых найбільшых світовых медиях. Мы, Лемкы, як част цивілізуваной Европы так само не можеме быти спокійны на тото. Заміна Агія Софіі з нацийонального музею – памяткы культуры, в мечет єст небезпечным кроком ґу новым конфліктам в реґіоні, а тіж родит напяты односины медже цілым християньскым і мусульманьскым світом. Маме надію, што Турция скоро змінит свій погляд на тоты вражливы темы. Думаме і, што рішыня того рода будут єднати вшыткых хриситиян, в тым і нас – православных і грекокатоликів, бо часом тота єдніст нам хыбує.
В «Говорить Пряшів» будеме бесідувати як все лем про нашы найважнійшы діі, котры каждый свідомый родак повинен познати. Хоц заявка повинна односити ся гейбы до темы проґраму, то думаме, же споминаня про ґеополітичны подіі і в тым місци нияк не буде планном справом.
На сам перед днешньой премєры редактор Петро Медвідь привитат Вас Культурным калейдоскопом. Пак буде слідувал з Історичным календарьом і Нашыма целебритами. Вартат слухати – буде про мало знаного на Лемковині Русина, Валентина Ґорзо, якій был духовным отцьом серед карпатской діаспоры в Америці.
То не вшытко, то лем капка того, што Вам днеска пропонуєме.
Коментарі