«Говорить Пряшів» – пятниця, 18.10 год.

Пришла пятниця. Якоси скоро, може за скоро. Нич тому не порадиме, можеме старати ся змінити лем стиль жытя, жебы аж так скоро вшытко не летіло допереду.

Сядте си при радию і слухайте, што Пряшівщане мают до повіджыня. Днес почуєме о владыці Нілю Лущаку, апостольскым адміністраторі мукачівской єпархіі – буде то медайльон ку жывотному ювілейови 50. років.

Книжниця.фм – Іван Кіндя – урывок з книжкы «Дротарі». Пак запрашаме на Перличку – беззмінно ґазета «Недѣля» нам пояснює, же быти земледільцьом є даром од Бога і не треба за то ганьбити ся. Думам, же днес того завидят вшыткы тоты, што сідят в малых, містецкых помешканях.

На конец Припоминка – ту собі спомнеме на ювілей основаня Общества ім. Александра Духновича.