«Говорить Пряшів» – пятниця, 18.10 год.

Як пятниця – то лем з «Говорить Пряшів». Днешній одтинок буде посвяченый в першій черзі вызначній особі з Лемковины.

Нашым целебритом буде Емілиян Чырняньскій, ректор найстаршой польской учельні – Ягайлоньского Університету.

В части «Книжниця.фм» будут вершы од Іваня Петровція. «Перличка» – ту почуєме дальшы выімкы з ґазеты «Недѣля». Тым разом часопис приносит нам інформацию, же в надзвычайных часах нам треба надзвычайных люди. Якы то люде? Якы мают мати приметы?

А в «Припоминці» повіме си, хто зо східніх Славян першый принял християнство.