«Говорить Пряшів» – пятниця, 18.10. год.

Чудує, што лем єдна, но може дві лемківскы орґанізациі в Польщы празднуют наше нацийональне свято – Ден Русинів. Шак тых, што зовут ся лемківскыма – ціла хмара. Де ся поділи іх патріотичны поставы?

«Як пташкам повітря, як рыбам вода, так Лемкам потрібна єдніст і згода» – писал Русенко. Думам, што повинны си взяти до серця і уму вшыткы тоты, што грают надале на два фронты. Вшыткы мусиме зачати думати загальнолемківско, непаритетово, нeіндивідуально, неконвенцийонально.

Єст як єст, але важне, же єст. Радийо робит тото, што треба надале робити. Граме, а інчы співают. Бесідуєме, а інчы слухают. Все єст тота друга страна, неє рады.

Так збераме ся зас залучыти в ефір і пустити тото, што любите чути. О 18.10 год. інформациі з Пряшова, але вістити будут не лем о пряшівскых темах, а шырше про нашы – руснацкы зо вшыткых земель.