«Говорить Пряшів» – пятниця, 18.10 год.

Дальшый робочый тыжден такой за нами. І уж половина січня. Хоц… ні, можеме собі тото даяк інакше выбавити. Кєд сой подумаме, же вчера был Новый Рік за старым стильом, так скоро приходиме до того, же не вшытко мусит быти такє планне – в розумліню барз скорого втіканя часу.

Через тоты вшыткы дни, зачынаючы од «новостильного» Рождества аж по тепер, грали сме в радию ЛЕМ.фм міц колядок, щедрівок і модерных святочных співанок. Святочный час треба нам святкувати, так і оно было. Вкінци вернули – такой од того тыжня – до постійной дальшой роботы. Майме надію професийональной, на высокым рівни. Але тото не залежне лем од нас. Рішаючы в Варшаві тіж мусят зрозуміти, же реального радия не даст ся зробити за маленькій мішочок грошы. Інакше мож робити планный авдийоблоґ, або дашто іщы мало цінне.

Покля дієме професийонально, не тратме надіі. Днескы запрашаме традицийно на дальшу радийову премєру – проґрам «Говорить Пряшів». Сме рады, же і вы полюбили Пряшівщанів…