«Говорить Пряшів» – пятниця, 18.10 год.

Мала прити яр, але не пришла. Зато вернула нам зима. Но може не така морозлива, але зимове повітря чути всядиль, де лем жыєме. Ци то значыт, же на тоту весну іщы за скоро? Вкаже ся ближе даты єй астрономічного приходу.

Тепло лем мают бачваньскы Русины. Не знам, чом бы тото мало нас чудувати, кєд то полудне од рідных Карпат. В Пряшові тіж студін. Не ліпше в Ужгороді ци Мукачеві. На розгрітя ся – тым більше при вікенды – сут ріжны способы. Даякы веце, даякы меньше інвазийны. То од нас самых залежыт, як ся розгрієме.

Гріти може і радийо. То нич таємне, кєд вам дакій гард-рок грат, або дакій рапер, што лем гріте мясо подає. Вартат влучыти і пряшівскых Русинів, бо они гріти знают культурным теплом, інформацийным, такым приємным для лемківского уха. Зато залучте днес lem.fm, жебы вам ся огріли хоцкі тоты промерзнены уха. Одтайте, кєд сте здзебеніли. Фай вам! Приємного вікенду.