«Говорить Пряшів» – пятниця, 18.10 год.

Што ся подіяло нового? Дахто знат? Бо мы уж знаме, лем повіме внет. А вшытко выйде ґу вам уж днес по год. 18.10.

Діє ся. Раз ліпше, раз гірше, але все ідеме вперед. Не даст ся стояти в місци, коли час жене. Тото бы было нелоґічне. Ци мож ся цофнути? Хыбаль лем в розвитку, особистым, бізнесовым, нацийональным…

Але не мы. Мы фурт думаме на тото, жебы іти допереду, жебы выпередити інчых. Стараме ся, жебы наш нарід мал полный хосен. Перед нами Нацийональный Повселюдный Спис, якій зачне ся о нецілый місяц. Мусиме ся зорґанізувати, быти вєдно, незалежно од даякых штоденных неясности. Но хыбаль же ся не даст. Так ци інакше, пряшівска редакция радия Русин.фм напевно нас попре. Они ся уж списуют і то цілком добрі ім іде. Так послухайме днес, ци мают для нас дакы рады, жебы нацийонально зробити крок вперед, жебы был лем розвиток.