«Говорить Пряшів» – пятниця, 18.10 год.

Вкінци пришла. Тота правдива яр, лем жебы сой скоро не пішла. А заповідают, же може з тым быти ріжні.

Ближыт ся Великден. Вірме, же буде такій як колиси, же ся вшыткы зыйдеме, же буде нам добрі і весело. Майме тіж надію, же вшыткы будеме здоровы, же і тоты, што уж приняли вакцину, будут рости в силу. Най бы каждый знал, же чым скорше ся вшыткы покріпиме, тым скорше буде нормально.

Свята дома – што то значыт? Ци то лем тілько, же ся сідит дома? Гейбы так, але певно іде головно о дім, в значыню місця, де єст родина, де рід, де коріня, де добры спомины. А може бы так свята на Лемковині? Хоц може не мате нияк де ся гын затримати, так за вшелеяку ціну тото зробте! Ідте в Горы і весельте ся добром новином.

Вшыткым Вам, што уж тепер будут святити, щыры желаня миру і доброй хвилі. Христос Воскрес!